«Көк тарландары». Телехикая («Қазақстан» ҰТА, 2012 ж.)

Бір-біріне ұқсамайтын төрт жігіт әскери борышын өтеу үшін бір ротаға түседі. Фильм желісінде олар көптеген қиын жаттығулар мен әскери дайындықтардан өтіп, өз бойында нағыз ер азаматқа лайықты қасиеттерді қалыптастырады. Әскери қызметте жігіттер түрлі шытырман оқиғалы жайттарға тап болады.
«Дениз». Телехикая (Түркия, 2011 ж.)

Кішігірім Анадолы қаласынан Анкараға қоныс аударған Дениз осы уақытқа дейін анасының ең жақын досы деп келген, ал анығында туған әкесімен бірге тұра бастайды. Ол үлкен шаhардың тыныс-тіршілігіне үйренісіп, жаңа достар тауып, молшылықта өмір сүруге үйренеді.
«Кешір мені». Телехикая (Түркия, 2011 ж.)
Осман Козан өз өмірін жақсарту мақсатында Анкараға Кайсериден көшіп келеді. Мұнда ол көп жетістіктерге қол жеткізіп, компаниясы кеңінен қанат жайған табысты бизнесменге айналғанымен, отбасылық бақытын құру жолында біраз қиындықтарға кездеседі.  
«Келін». Телехикая (Үндістан, 2008 ж.)
Отандық телеарна кеңістігінде тұңғыш рет көрерменге жол тартқан құрсауда қалған қыз-ғұмыр туралы үнді телехикаясы ескілікті салт-дәстүрдің құрбаны болған қызғалдақ өмірді, талқыға түскен тағдырды суреттейді. 
«Әке серті». Телехикая («Қазақстан» ҰТА, 2012 ж.)

Телехикая желісіне әке мен балалар арасындағы байланыс, жақсы мен жаман, ақ пен қара, қуаныш пен қайғы арасындағы жік пен көзге көрінбес байланыс тәрізді мәңгілік мәнді тақырып алынған. 
«Мұзды жарып шыққан гүл». Телехикая (Корея, 2012 ж.).
Ата-аналары үйленгеннен кейін Юн Хуа мен Ю Ра амалсыздан апалы-сіңілі болып шыға келеді. Юн Хуа Ю Рамен достасуды ойлайды. Бірақ, жағдай басқаша өрбиді. Өйткені, Ю Раның бала күннен бергі ұнатқан жігіті оның «сіңлісіне» ғашық болады.