Сіздің сұрауыңыз бойынша ештеңе табылмады

Елбасы Конституцияға енгізілген өзгерістер мен толықтырулар туралы заңға жариялы түрде қол қойды

Ай бойы қара орман халықтың терең талқысынан өтіп, қоғамның таразысына тартылған еліміздің ең басты құжатын Парламенттің қос палатасы апта басында қабылдап, Президентке жолдаған. Жеті рет өлшеп, бір рет кесуді ұйғарған Елбасы Конституциялық кеңеске жүгініп, Ата заңдағы өзгерістердің заңға сәйкестігін тексеруді тапсырған.

Кеңес Парламент қабылдаған өзгерістермен келісіп, жаңа редакциядағы Ата заң қоғам дамуы үшін керек деген кесім айтты. Осыдан кейін Елбасы Конституцияға енгізілген өзгерістер мен толықтырулар туралы заңға жариялы түрде қол қойып, өз Үндеуін Жолдады.

Осылайша, Отанымыздың басты құжаты кемелдене түсті дегенді тілге тиек еткен Елбасы Ата заңдағы өзгерістер елдегі бірлік пен берекені артырып, қоғам дамуына жасалған оң қадам екенін ескертті. Соңынан осы шараға белсене атсалысқандарға алғыс айтты.

Айбек ҚОБДАБАЙ
Поделиться: