Сіздің сұрауыңыз бойынша ештеңе табылмады

«Вавилон» жиһаз ательесінің өнімдері отандық брендке айналды

Адамзат баласы ежелгі заманда да өзінің тұрғылықты жеріне жайлы жағдай жасап, оны жабдықтай білді. Тіпті, үңгірлерді суреттермен көмкеріп, аңдардың терісін төсеніш ретінде пайдаланды.

Уақыт өткен сайын технология дами түсті. Олар жиһазды түрлі материалдардан дайындай бастады. Өнімнің сапалы болуы, әрине, оның материалына тікелей байланысты.

Бұл ретте «Вавилон» жиһаз ательесінің өнімдерін атап өткен жөн. Аз уақыт ішінде өндіріс орны отандық брендке айналып, Павлодар тұрғындарын сапалы жиһаздармен қамтып отыр. Қазақстанда жасалған өнімдер тек бұл аймаққа ғана емес, республиканың түкпір-түкпіріне жеткізілуде.

Өндіріс орны 2006 жылы ашылған. Сапалы әрі ерекше дизайнды жиһаздар бүгінде зор сұранысқа ие.

 

 

«Вавилон» жиһаз ательесі - еліміздегі бірден-бір ағаш-талшықты тақтайлар (ДВП) өндіретін кәсіпорын.

 

 

Өндіріс орны асүйге, жатын және қонақ, балалар бөлмелеріне арналған жиһаздар шығарады.

Мұндағы мамандар -  өз ісінің нағыз шеберлері. Кәсіпорында 30 адам қызмет етеді.

Павлодар қаласында «Вавилон» жиһаз ательесінің 4 үлкен сауда орны бар. Ендігі мақсаты - еліміздің өзге өңірлерінен де сауда нүктелерін ашу.

«Сапасы жоғары, бағасы қолжетімді бұл жиһаздар көңілімізден шығады», - дейді тұтынушылар.

Отандық өнімнің орны қашанда бөлек. Қазақстандық өндіріс орнының өрістей беретініне кәміл сенеміз.

Поделиться: