Сіздің сұрауыңыз бойынша ештеңе табылмады

Ресей Донецк пен Луганск тұрғындарына паспорт таратпақ

Ресей Украинадағы өздерін Донецк және Луганск халық республикалары деп жариялаған аудандардың тұрғындарына төлқұжат таратуға әзірленіп жатыр. «Коммерсант» газетінің хабарлауынша, бұл туралы қаулыға президент Владимир Путин Украинада сайлау өткен соң қол қоймақ. Ал, РБК-ның мәліметінше, жаңа құжатты алу үшін ДХР мен ЛХР тұрғындарына осы «республикалардың» бірінің паспортын иелену және Украина паспортынан бас тарту талабы қойылмақ.

2019 жылдың 1 қаңтарындағы дерек бойынша, ДХР-да 2 миллион 280 мың, ЛХР-да 1 миллион 450 мың адам тұрады. Дегенмен, Украинаның шығысындағы сепаратистік аудандардың тәуелсіздігін Біріккен Ұлттар Ұйымындағы бірде-бір мемлекет мойындаған жоқ.

Арыстан РЫСБЕК