Сіздің сұрауыңыз бойынша ештеңе табылмады

Алматы облысында өсірілген асылтұқымды жылқылар Қытай еліне экспорттала бастады

Жетісулықтар биыл 206 бас қамбар ата төлін шекара асырмақ. Тең жартысы қазір Қарасай ауданындағы шаруа қожалықтарында карантинде тұр. Көрші мемлекетте соңғы жылдары бәйгеге шабатын сәйгүліктерге деген қызығушылық артқан. Жылқылар Шыңжаң автономиясына және Жеменей ауданына жөнелтілуде. Осылайша, Қытай елі жылқы малын қазақ жылқысы есебінен асылдандыруды қолға алмақ. Одан кейін ет және сүт бағытындағы жылқыны экспорттау жоспарланған. 

Тұрсынғазы Қажайұлы, Жеменей ауданы «Құмытай» компаниясының өкілі:

- Қытайда бұл жылқыға Қытайдағы ат зауыттары және ат өсіріп отырған жылқы шаруашылықтарының қызығушылығы өте жоғары. Оның үстіне, Қазақстанның жылқы шаруашылығы өте жақсы дамыған. Бұл жылқыларды өсіреміз. Сондай-ақ, алыс аралық, жақын аралыққа бәйгеге дайындап, бәйге жарыстарына қатыстыруға апарамыз.

 

Қуаныш ҚАНАТҰЛЫ

Поделиться: